di Francesca Amato                                        25/09/2020
Lu cori spissu parra, ma nun penza,
e dda ca tu m’arristasti pi simenza,
comu ‘na cassata ‘ncapu a panza,
comu ‘nta l’arancina arresta ‘a conza.
Si putissi iu ti curassi comu ‘na malatia,
cangiassi strada si ti vidissi avanzi a mia
Mi scurdassi la to’vuci e comu ti chiami,
comu tremu quannu sentu li to’ mani.
La cori spissu nun pensa e fa mnchiati
Scinni di lu pettu e si nni va strati strati
Comu na buttana ca firria a Favorita,
cantannu ‘na canzuna ca si chiama vita.
Si putissi io nun t’avissi mai incuntratu,
cangiassi chiddu chi è e chiddu ca un ha statu,
la matina iu mi susissi senza chiù pinsari,
ca n’autru jornu passa ca nun t’haiu a tuccari.
(fonte immagine: web)